Meksikalı idmançı Manuel Torres Mütləq Döyüş Çempionatının (UFC) Bakıda keçiriləcək turnirində öz taktikası ilə mübarizə aparacaq.

"Report"un məlumatına görə, o, bu barədə mətbuat konfransında bildirib.

"Rafael Fiziyevin hansı taktikadan istifadə edəcəyini bilmirəm. Amma mənim öz döyüş üslubum var. Bundan da istifadə edəcəyəm. Rəqibim təcrübəli döyüşçüdür. Onun məni ilk raunda məğlub edəcəyini düşünmürəm", - meksikalı döyüşçü vurğulayıb.

M.Torres birinci raundda qələbə qazanmaq ehtimalı barədə danışıb:

"Bu, mümkündür. Həmişə beş raundluq döyüşə hazıram. İlk raundda rəqibi üstələmək strategiyanın bir parçasıdır".

O, Bakı haqqında da fikirlərini bölüşüb:

"Şəhəriniz çox gözəldir. İnsanları qonaqpərvərdir. Hələlik çox gəzə bilməmişəm".

Xatırladaq ki, "UFC Fight Night Baku" iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Oxşar xəbərlər

UFC döyüşçüsü Rafael Fiziyev Bakıya gəldi

UFC Bakı turnirinin bilet satışı mayın 15-də başlayacaq

Bakıda keçiriləcək UFC turnirinin biletləri mayın 15-də satışa çıxarılacaq

Dana Uayt azarkeşləri "UFC Fight Night Baku" turnirini izləməyə dəvət edib

Rafael Fiziyev növbəti döyüşünə çıxır