İranda sabiq Ali Rəhbər Ayətullah Seyid Əli Xameneinin vida mərasimi ilə əlaqədar bəzi aeroportların fəaliyyətində məhdudiyyətlər tətbiq ediləcək.

APA-nın Tehran bürosunun xəbərinə görə, İran Hava Limanları Şirkəti Tehranın Mehrabad aeroportunun iyulun 3-də və 6-da fəaliyyətini tam dayandıracağını açıqlayıb.

Məlumata görə, Mehrabad hava limanı 4, 5, 7 və 8 iyul tarixlərində məhdud şəkildə fəaliyyət göstərəcək.

Məşhəd Beynəlxalq Hava Limanı isə iyulun 9-da fəaliyyətini dayandıracaq.

Qeyd edək ki, Əli Xameneinin vida mərasimi 4-5 iyul tarixlərində Tehrandakı Mosalla kompleksində keçiriləcək, cənazə daha sonra Qum şəhərinə yola salınacaq.

Qum şəhərində vida mərasimindən sonra Ayətullah Seyid Əli Xamenei öz vəsiyyətinə uyğun olaraq iyulun 9-da Məşhəddə torpağa tapşırılacaq.

Xatırladaq ki, Seyid Əli Xamenei 28 fevralda ABŞ və İsrailin Tehrana birgə hücumu zamanı yaxın ailə üzvləri ilə birlikdə öldürülüb. Daha sonra onun yerinə oğlu Müctəba Xamenei seçilib.

Oxşar xəbərlər

Milli Məclisin sədri Əli Xameneinin vida mərasimində iştirak edəcək

Seyid Əli Xamenei iyulun 9-da Məşhəddə dəfn ediləcək

Tehranda Əli Xameneinin vida mərasimi ilə əlaqədar üç günlük tətil elan ediləcək

Kərbəla və Nəcəfdə Xamenei ilə vida mərasimi keçiriləcək

Seyid Əli Xamenei üç günlük vida mərasimindən sonra Məşhəddə dəfn ediləcək