Fransa Prezidenti Emmanuel Makron Ukraynaya dəstək üçün "istəklilər koalisiyası" ölkələrinin dövlət və hökumət başçılarının görüşünün iyulun 13-də keçiriləcəyini elan edib.

"Sizinxeber.az"un Avropa bürosu xəbər verir ki, bu barədə o, Brüsseldə keçirilən Avropa İttifaqı (Aİ) sammitinin yekunlarına dair mətbuat konfransında bildirib.

Makronun sözlərinə görə, görüşə koalisiyada iştirak edən, Aİ üzvü olan-olmayan bütün ölkələr dəvət edilib. O qeyd edib ki, koalisiya gələcəkdə Ukraynaya təhlükəsizlik zəmanətlərinin verilməsində rol oynaya bilər.

Fransa Prezidenti bildirib ki, Aİ liderləri Ukraynaya dəstəyi, o cümlədən hərbi yardımı, enerji infrastrukturunun bərpasını və hazırlanan 21-ci sanksiyalar paketi çərçivəsində Rusiyaya qarşı sanksiya təzyiqinin gücləndirilməsini təsdiqləyiblər.

O həmçinin qeyd edib ki, Ukrayna hərbi qulluqçuları iyulun 14-də Bastiliyanın alınması günü münasibətilə Parisdə keçiriləcək hərbi paradda iştirak edəcəklər.

Oxşar xəbərlər

Avropa İttifaqı Ukraynaya hərbi və iqtisadi yardımı davam etdirməyə hazırdır

Fransa və Britaniya Ukraynaya hərbi heyət göndərəcək

Fransa və İngiltərə Ukraynaya hərbi heyət göndərəcək

Makron: G7 ölkələri Rusiyaya qarşı sanksiyaları sərtləşdirmək, Ukraynaya dəstəyi gücləndirmək öhdəliyi götürüb

Yelisey Sarayı Rubio və Uitkoffun Ukrayna ilə bağlı görüşünün təfərrüatlarını açıqlayıb