Ukrayna Prezidenti Ofisinin rəhbəri Kirill Budanov Polşa Prezidenti Karol Navrotskinin tarixi mübahisə fonunda Ukrayna lideri Volodimir Zelenskini Polşanın ən ali ordenlərindən birindən məhrum etməsindən sonra Polşa dövlət mükafatından imtina etdiyini bildirib.

"Sizinxeber.az" xəbər verir ki, bu barədə "Reuters" agentliyi məlumat yayıb.

Varşavanın qərarına səbəb Zelenskinin bölmələrdən birinin adını dəyişdirərək ona Polşada polyakların kütləvi qətllərində ittiham olunan İkinci Dünya müharibəsi dövrünün ukraynalı üsyançılarının adını verməsi olub.

Buna cavab olaraq K.Budanov ötən il aldığı Polşa Respublikasının "Xidmətlərə görə" ordeninin Qızıl Zabit xaçından imtina etdiyini bildirib və Polşa tərəfinin qərarını Rusiya üçün "hədiyyə" adlandırıb.

"Xalqlarımızın həm qəhrəmanlıq, həm də faciəvi səhifələri özündə birləşdirən ortaq bir tarixi var. Ancaq bu, siyasi spekulyasiyaların yox, dərindən anlamanın mövzusu olmalıdır", - o, sosial şəbəkədə yazıb.

Polşa Prezidenti iyunun 19-da Zelenskini Polşanın ən ali dövlət mükafatı - "Ağ Qartal" ordenindən məhrum etmək qərarına gəlib. Buna səbəb Zelenskinin Ukrayna Silahlı Qüvvələrinin bölmələrindən birinə "UPA qəhrəmanları" adının verilməsi haqqında fərmanı olub.

Daha əvvəl Ukraynanın xarici işlər naziri Andrey Sibiqa Polşa Prezidentinin qərarını "strateji səhv" adlandırıb. Polşanın Baş naziri Donald Tusk isə tərəfləri təmkinli olmağa çağırıb. K.Navrotskinin qərarı ilə əlaqədar olaraq, A.Sibiqa və Ukraynanın bu ölkədəki səfiri Vasili Bodnar Polşanın dövlət mükafatlarından imtina ediblər.

Oxşar xəbərlər

Polşa Prezidenti Zelenskini ölkənin ali dövlət mükafatından məhrum edib

Budanov: Ukraynaya Rusiya ilə qarşıdurmada yeni texnoloji sıçrayış lazımdır

Kirill Budanov: Kiyevlə Moskva arasında danışıqlar başa çatmaq üzrədir

Budanov: Rusiyanın Ukraynaya nüvə zərbəsi endirməyə hazırlaşmasının əlamətləri yoxdur