Braziliyalı MMA idmançısı Mateus Kamilo Mütləq Döyüş Çempionatının (UFC) Bakıda keçiriləcək turnirində rəqibi Nazim Sadıxova nokautla qalib gəlmək istəyir.

"Sizinxeber.az"un məlumatına görə, o, bu barədə mətbuat konfransında bildirib.

Azərbaycanlı Nazim Sadıxovla üz-üzə gələcək döyüşçü sözügedən qarşılaşmaya kökləndiyini söyləyib:

"Bu döyüşə tam hazıram. Qələbə qazanacağıma da inanıram. Bir neçə gündür ki, buradayam. Şənbə günü axşam çox gözəl döyüş görəcəksiniz. Rəqibimi məğlub etsəm, qələbəmi ailəmə, azarkeşlərə, məni sevənlərə və sevməyənlərə həsr edəcəyəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Oxşar xəbərlər

Manuel Torres: "Fiziyevə qarşı öz döyüş üslubumdan istifadə edəcəyəm"

Tahir Abdullayev: "Braziliyalı rəqibimin güləşdə məndən güclü olduğunu düşünmürəm"

"UFC Fight Night Baku" turnirinin bütün döyüşləri bəlli olub

Dana Uayt azarkeşləri "UFC Fight Night Baku" turnirini izləməyə dəvət edib

Tofiq Musayev UFC turnirində məğlub olub