Azərbaycanın aparıcı faktorinq xidməti "Ferrum Kapital" QSC 2025-ci ili 3,78 milyon manat xalis mənfəətlə başa vurub.

"Report" şirkətin maliyyə hesabatına istinadən xəbər verir ki, bu, 2024-cü illə müqayisədə 39,6 % çoxdur.

Ötən il "Ferrum Kapital"ın vergiyəqədərki mənfəəti 4,787 milyon manat (əvvəlki ilə nisbətən 40,7 % çox), mənfəət vergisi ödəmələri isə 1,008 milyon manat (45,45 % çox) təşkil edib.

Bu il yanvarın 1-nə "Ferrum Kapital"ın aktivləri 77,175 milyon manat olub ki, bu da illik müqayisədə 2 % çoxdur. Bunun 37,638 milyon manatı müştərilərə verilmiş kreditlər və avanslardır. Son 1 ildə şirkətin borc portfeli 25,7 % kiçilib.

Hesabat dövründə şirkətin öhdəlikləri 2,4 % artaraq 68,739 milyon manata çatıb, balans kapitalı isə 1,1 % azalaraq 8,436 milyon manata düşüb.

Xatırladaq ki, "Ferrum Kapital" yerli və beynəlxalq faktorinq xidmətlərinin göstərilməsi məqsədi ilə 2017-ci ildə yaradılıb. Onun nizamnamə kapitalı 2 000 manatdır. Şirkətin təsisçiləri Qafar Dəmirçi (68 %), Məhəmməd Həbibzadə (23 %), "AQA Şirkətlər Qrupu" MMC (4,5 %) və "Vesta İnvestment" MMC-dir (4,5 %).

Oxşar xəbərlər

"City Finance" BOKT maliyyə vəziyyətini açıqlayıb

"Alfa Kapital" BOKT maliyyə vəziyyətini açıqlayıb

"Ekolizinq"in aktivləri 20 %-dən çox azalıb

"Finoko" BOKT-un zərəri 2 dəfəyə yaxın artıb, kapitalı müflislik həddinə düşüb

"PAŞA Kapital İnvestisiya Şirkəti" maliyyə vəziyyətini açıqlayıb