Böyük Britaniyanın Azərbaycandakı səfirliyi və Azərbaycan Mərkəzi Bankı (AMB) ölkədəki banklar üçün “Partnership for Carbon Accounting Financials” (PCAF) və karbon uçotu üzrə Britaniya Standartlar İnstitutunun (BSI) proqramı çərçivəsində treninq təşkil edib.

Bu barədə "Report"a Britaniyanın diplomatik nümayəndəliyindən məlumat verilib.

Qeyd olunub ki, təşəbbüs maliyyə sektorunda karbon emissiyalarının idarə edilməsi ilə bağlı məlumatlılığın artırılmasına və bu sahədə ən yaxşı beynəlxalq təcrübələrin tətbiqinə yönəlib.

Dörd gün davam edəcək tədbir karbon emissiyalarının uçotu strategiyasının hazırlanmasında bank sektorunun potensialının artırılmasına həsr olunub. Söhbət beynəlxalq standartlardan istifadə edilərək maliyyələşdirilən emissiyalardan gedir.

Maliyyələşdirilmiş emissiyalar - karbon izidir. O, borc və ya digər maliyyə alətləri hesabına maliyyələşdirmə ilə bağlıdır.

Oxşar xəbərlər

Bəhreyn rəsmisi: "Dünyada karbon emissiyalarının idarə edilməsi zəruridir"

"Southern Company": Karbon emissiyalarının tutulması üçün tənzimləməyə ehtiyac var

Britaniya səfiri: Bakıda keçirilən COP-29-da məsələləri düzgün tənzimləsək, maliyyə imkanları toplanacaq

Səfir: "Böyük Britaniya Azərbaycanla əməkdaşlığa hazırdır"

Səfir: Biritaniya Azərbaycanın karbon bazarı tənzimləmələrini yekunlaşdırmaq səylərini tam dəstəkləyir