“Azərbaycan Dəmir Yolları” QSC (ADY) Yevlax–Bərdə dəmir yolu xəttində yenidənqurma işlərini davam etdirir.

ADY-dən “Sizinxeber.az-Economics”ə verilən məlumata görə, uzunluğu 30 kilometr olan xətt üzrə may ayında başlanılan söküntü işləri artıq tamamlanıb.

Layihə çərçivəsində ümumilikdə 174 ədəd mühəndis qurğusunun tikintisi planlaşdırılır. Bunlara 4 körpü, 12 avtomobil keçidi, 98 suötürücü boru və 60 ehtiyat keçidi daxildir.

Bildirilir ki, hazırda yol yatağının tikintisi davam etdirilir.

Qeyd edilib ki, bu xətdə 1967-ci ildən bəri əsaslı təmir aparılmadığından qatarların hərəkət sürəti 10–60 km/saat arasında dəyişirdi. Yenidənqurma işləri başa çatdıqdan sonra hərəkət sürəti artacaq, daha sürətli, dayanıqlı və fasiləsiz dəmir yolu əlaqəsi təmin olunacaq. Bununla da Yevlaxdan Xankəndiyə qədər müasir dəmir yolu infrastrukturu formalaşacaq.

Oxşar xəbərlər

Bakı–Ağdam–Bakı marşrutu üzrə qatarların hərəkətinə müvəqqəti fasilə veriləcək

Bakı-Ağdam qatarlarının hərəkəti müvəqqəti dayandırılır - SƏBƏB

ADY Yevlax–Bərdə xəttində əsaslı təmir işlərinə başlayır

Bərdə–Ağdam dəmir yolu xətti üzrə aparılan işlərin həcmi açıqlanıb

Xankəndi Dəmir Yolu və Avtovağzal Kompleksinin təməli qoyulub