Portuqaliya yığmasının baş məşqçisi Roberto Martines dünya çempionatlarında qazanılan qələbələrin sayına görə ispanyalı mütəxəssislər arasında yeni rekorda imza atıb.

"Report" xarici mediaya istinadən xəbər verir ki, Portuqaliya millisinin DÇ-2026-nın qrup mərhələsinin II turunda Özbəkistan üzərində qazandığı qələbə (5:0) R.Martines üçün dünya çempionatlarında 8-ci zəfər olub.

Təcrübəli mütəxəssis bu göstərici ilə turnirdə 7 qələbəsi olan Visente del Boskeni geridə qoyaraq vahid rekordçu statusuna yiyələnib.

Qeyd edək ki, R.Martines 2023-cü ildən Portuqaliya komandasını çalışdırır.

Oxşar xəbərlər

Roberto Martines: "Özbəkistana qarşı matçın nəticəsindən çox məmnunam"

Portuqaliya millisinin baş məşqçisi: "Konqo ilə matçda hücumdakı kəskinliyimizi itirdik"

Mundiallar tarixində milliləri çalışdıran heç bir əcnəbi baş məşqçi dünya çempionu ola bilməyib

Panama - Xorvatiya matçının ən yaxşı futbolçusu Kristian Martines seçilib

Kristiano Ronaldo Portuqaliya millisinə çağırılıb