Bakıda həbs edilən Türkmənistan vətəndaşı Qırğızıstana təhvil verilib.

Bu barədə "Sizinxeber.az"a Baş Prokurorluğun mətbuat xidmətindən məlumat verilib.

Bildirilib ki, 1999-cu il təvəllüdlü Türkmənistan vətəndaşı Aqamuhammet Annaberdiyevin cinayət məsuliyyətinə cəlb edilməsi üçün verilməsinə dair Qırğız Respublikası Baş Prokurorluğunun vəsatəti Azərbaycan Baş Prokurorluğu tərəfindən təmin edilib.

Qırğızıstanda külli miqdarda ziyan vurmaqla dələduzluq cinayətinin törədilməsində təqsirləndirilərək, beynəlxalq axtarışa elan edilmiş A.Annaberdiyev 2026-cı ilin aprel ayında Azərbaycanda müəyyən edilərək saxlanılıb, barəsində həbs qətimkan tədbiri seçilib.

"Mülki, ailə və cinayət işləri üzrə hüquqi yardım və hüquqi münasibətlər haqqında" 07.10.2002-ci il tarixli Konvensiyaya əsasən təqsirləndirilən şəxsin ekstradisiyası haqqında qərar qəbul edilərək, sonuncu Ədliyyə Nazirliyinin Penitensiar Xidmətinin xüsusi konvoyunun müşayiəti ilə Qırğız Respublikasının səlahiyyətli orqanına təhvil verilib.

Oxşar xəbərlər

Azərbaycan beynəlxalq axtarışa verilən şəxsi Qırğızıstana təhvil verib

Azərbaycanda saxlanılan Özbəkistan vətəndaşı ölkəsinə təhvil verilib

Azərbaycan axtarışda olan şəxsi Özbəkistana təhvil verib

Azərbaycanda saxlanılan Rusiya vətəndaşı öz ölkəsinə təhvil verilib

Ekstremist fəaliyyətə görə beynəlxalq axtarışa verilən Tacikistan vətəndaşı ölkəsinə ekstradisiya olunub