Son zamanlar Rusiyanın Kazan şəhəri üzərində hava məkanının mütəmadi olaraq bağlanması səbəbindən "Azərbaycan Hava Yolları" QSC (AZAL) uçuşların təhlükəsizliyinin təmin edilməsi məqsədilə Bakı-Kazan-Bakı marşrutu üzrə bütün uçuşları qeyri-müəyyən müddətə dayandırır.

Bu barədə "Sizinxeber.az" AZAL-a istinadən xəbər verir.

"Bu istiqamət üzrə bileti olan sərnişinlər ödənişin tam geri qaytarılması və ya biletlərin ödənişsiz dəyişdirilməsi hüququna malikdirlər. Bunun üçün onlar [email protected] elektron poçt ünvanı vasitəsilə aviaşirkətə müraciət edə bilərlər", - məlumatda deyilir.

AZAL mövcud vəziyyəti diqqətlə izləməyə davam edir və sərnişinləri dəyişikliklər barədə məlumatlandıracaq.

Qeyd edək ki, AZAL ötən ilin dekabrın 28-dən etibarən Bakıdan Rusiyanın bir neçə hava limanlarına uçuşları dayandırıb. Bu qərar, AZAL-ın J2-8243 nömrəli Bakı-Qroznı reysini yerinə yetirən “Embraer 190” təyyarəsinin fiziki və texniki kənar müdaxilə nəticəsində baş verən qəzası ilə bağlı aparılan araşdırmaların ilkin nəticələri və uçuş təhlükəsizliyində yarana biləcək risklər nəzərə alınaraq qəbul edilib.

Uçuşların dayandırıldığı hava limanları aşağıdakılardır:

Qroznı

Mineralnıye Vodı
Soçi
Volqoqrad
Ufa
Samara
Saratov
Nijni Novqoroq
Vladiqafqaz

Bu qərar təhlükəsizliyi təmin etmək məqsədilə qəbul edilmiş və araşdırmalar yekunlaşana qədər qüvvədə qalacaqdır.

Oxşar xəbərlər

AZAL Bakı-Kazan-Bakı marşrutu üzrə bütün uçuşları dayandırıb

AZAL Rusiyanın bir sıra şəhərlərinə uçuşları dayandırıb - SİYAHI

AZAL hava məkanının bağlanmasına görə bugünkü Bakı-Kazan reysini ləğv edib

AZAL Təl-Əvivə uçuşları dayandırmasına dair açıqlama yayıb

Azərbaycandan Rusiyanın 10 şəhərinə uçuşlar dayandırılır - YENİLƏNİB