“BMT-nin İqlim Dəyişmələri üzrə Çərçivə Sazişinin Tərəflər Konfransında (COP29) iştirak edən ölkələrin vahid qlobal məqsədi iqlim dəyişikliyinin qarşısının alınması istiqamətində birgə fəaliyyətin həyata keçirilməsidir”.

APA-nın məlumatına görə, bunu jurnalistlərə açıqlamasında Yaponiyanın qlobal ətraf mühit məsələləri nazirinin müavini Yutaka Matsuzava deyib.

O əlavə edib ki, Azərbaycan bu konfransın uğurla həyata keçirilməsi üçün əlindən gələni əsirgəmir:

“Bu, qlobal iqlim dəyişikliyi ilə mübarizə aparmaq və 1,5°C hədəfinə nail olmaq üçün çox yaxşı bir fürsətdir. Hazırda iqlim dəyişikliyinin qarşısının alınması istiqamətində birgə fəaliyyət Azərbaycanda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransında (COP29) iştirak edən ölkələrin vahid qlobal məqsədidir. COP29 eyni zamanda birgə fəaliyyət üçün çox yaxşı bir fürsətdir. Azərbaycan bu konfransın uğurla həyata keçirilməsi üçün əlindən gələni əsirgəmir. Bu baxımdan mən Azərbaycan hökumətinin fəaliyyətini yüksək qiymətləndirirəm. Mən eyni zamanda inanıram ki, burada iştirak edən ölkələr konfransın yekun sənədini razılaşdırmağa nail ola biləcəklər”.

Oxşar xəbərlər

Elmi məsləhətçi: İqlim dəyişikliyi üzrə qlobal mübarizənin həlli COP29-da razılığın əldə edilməsindən asılıdır

BMT-nin Rezident Əlaqələndiricisi: Azərbaycanda COP29-a hazırlıqlar çox yaxşı gedir

İtaliyalı xüsusi elçi: Ölkəmizi COP29-da Baş nazir Meloni təmsil edəcək

UNFCCC-nin icraçı katibi dünya dövlətlərini iki illik iqlim dəyişikliyi hesabatını təqdim etməyə çağırıb

Peter Mixalko: Azərbaycanın COP29 üçün göstərdiyi səyləri təqdir edirəm