Şuşa şəhərində 43 çoxmərtəbəli binadan və təxminən 900 mənzildən ibarət 3 yeni yaşayış kompleksinin gələn il istifadəyə verilməsi nəzərdə tutulur.

"APA-Economics" xəbər verir ki, bunu Bakıda keçirilən Dünya Şəhərsalma Forumu (WUF13) çərçivəsində təşkil olunan “Yerli fəaliyyətin gücləndirilməsi: adekvat mənzil təminatı və dayanıqlı icmalar üçün çoxtəbəqəli idarəetmənin möhkəmləndirilməsi” adlı sessiyada Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov bildirib.

Onun sözlərinə görə, Şuşaya sakinlərin qayıdışı 2024-cü ilin ortalarından başlayıb.

A. Kərimov qeyd edib ki, Böyük Qayıdış Proqramının ikinci mərhələsində əlavə yaşayış binalarının tikintisi də planlaşdırılır.

O bildirib ki, yeni yaşayış məhəllələri mərkəzləşdirilmiş istilik sistemlərinə qoşulur, binalar isə milli enerji səmərəliliyi standartlarına uyğun inşa edilir.

A. Kərimovun sözlərinə görə, Şuşada yenidənqurma prosesi yalnız yaşayış fondunun yaradılmasını deyil, həm də tarixi və mədəni irsin bərpasını əhatə edir.

O vurğulayıb ki, indiyədək şəhərdə 30-a yaxın tarixi abidə, o cümlədən 5 məscid və 1 kilsə tam bərpa olunub.

Oxşar xəbərlər

İcraçı direktor: WUF13 indiyədək keçirilmiş ən böyük Dünya Şəhərsalma Forumudur

Prezident və Qurbanqulu Berdiməhəmmədov Şuşada inşa edilmiş birinci yaşayış kompleksində olublar

WUF14 2028-ci ildə Mexikoda keçiriləcək

EBRD: Şəhərlər mənzil tələbatını qarşılamaq üçün investisiya risklərini azaltmalıdır

Adil Karaismailoğlu: Köhnə və zəlzələ riski olan binaların yenilənməsi Türkiyənin əsas prioritetlərindəndir