"e-Permit" sisteminin tam işə salınması və Milli Vahid Pəncərənin inteqrasiyası Transxəzər Beynəlxalq Nəqliyyat Marşrutu (Orta Dəhliz) üzrə yükdaşımaların səmərəliliyinin və şəffaflığının artırılmasına töhfə verəcək.

"Report"un Türküstana ezam olunan əməkdaşının xəbərinə görə, bu barədə TDT-nin qeyri-rəsmi sammitinin yekunları üzrə bu gün qəbul edilmiş Türküstan Bəyannaməsində deyilir.

Sənədə əsasən, liderlər "Rəqəmsal İpək Yolu" layihəsinin və analoji rəqəmsal infrastruktur layihələrinin təşviqinə çağırırlar.

Həmçinin dövlət başçıları TDT-yə üzv dövlətlərin Nəqliyyat nazirlikləri arasında "e-CMR" sisteminin tətbiqinə dair 23 aprel 2026-cı il tarixində Bişkekdə Anlaşma Memorandumunun imzalanmasını alqışlayır və üzv dövlətlərin müvafiq orqanlarını elektron rəqəmsal imzaların qarşılıqlı tanınması haqqında saziş layihəsinə baxılmasını başa çatdırmağa çağırırlar.

"Transsərhəd sənədləşmənin sadələşdirilməsi, inzibati maneələrin azaldılması, yüklərin real vaxt rejimində izlənilməsinin təmin edilməsi və Orta Dəhliz üzrə yükdaşımaların səmərəliliyinin və şəffaflığının artırılması məqsədilə "e-Permit" sisteminin tam işə salınmasını alqışlayır və Milli Vahid Pəncərənin, o cümlədən üzv dövlətlərin "e-Permit", "e-CMR" və elektron hökumət sistemlərinin inteqrasiyasını dəstəkləyirik", - deyə bəyannamədə bildirilir.

Həmçinin beynəlxalq yükdaşımalara dəstək göstərilməsi üçün "e-TIR" prosedurunun gələcək tətbiqinin vacibliyi və zəruri texniki və hüquqi işlərin mümkün qədər tez başa çatdırılmasına hazırlıq vurğulanıb.

Oxşar xəbərlər

Daşkənddə Türk Elm və İnnovasiya Günləri keçiriləcək

Türküstan bəyannaməsi: TDT liderləri Azərbaycanın sədrliyini yüksək qiymətləndiriblər

TDT ölkələrinin liderləri WUF13-də fəal iştirak edəcəklər

ADY: Orta Dəhlizlə bağlı əsas problemlərdən biri vahid rəqəmsal platformanın olmamasıdır

TDT ölkələri kosmik sahədə əməkdaşlığın inkişafını prioritet hesab edir