UN-Habitat: Mənzil tikintisində dayanıqlılıq üçün yerli materialların təşviqi vacibdir

Mənzil tikintisində dayanıqlılıq üçün yerli materialların təşviqi vacibdir.

"Report" xəbər verir ki, bunu UN-Habitat-ın Torpaq, Mənzil və Sığınacaq Bölməsinin rəhbəri və mənzil təminatı üzrə aparıcı mütəxəssisi Ombretta Tempra Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Hamı üçün adekvat mənzil üzrə Hökumətlərarası Açıq Tərkibli Ekspert İşçi Qrupu: Mənzil dayanıqlılığı və davamlılığı üzrə sessiyalararası görüş"də bildirib.

Onun sözlərinə görə, ümumilikdə mənzil tikintisinin və iqtisadiyyatın dayanıqlığını təmin etmək üçün yerli tikinti materiallarının xüsusilə nəzərə alınması, qiymətləndirilməsi və təşviq edilməsi vacibdir: "Ehtiyac olarsa, tikinti norma və standartları elə uyğunlaşdırılmalıdır ki, bəzən rəsmi şəkildə icazə verilməyən yerli tikinti materiallarının istifadəsinə daha çevik yanaşma olsun".