Bakıda keçirilən Dünya Şəhərsalma Forumu (WUF13) indiyədək təşkil olunmuş ən böyük Dünya Şəhərsalma Forumudur.

"Sizinxeber.az-Economics" xəbər verir ki, bunu WUF13 çərçivəsində keçirilən “Yerli fəaliyyətin gücləndirilməsi: adekvat mənzil təminatı və dayanıqlı icmalar üçün çoxtəbəqəli idarəetmənin möhkəmləndirilməsi” adlı sessiyada BMT Baş katibinin müavini, BMT-nin İnsan Məskənləri Proqramının (UN-Habitat) İcraçı direktoru Anaklaudia Rossbax bildirib.

Onun sözlərinə görə, forumda 30 mindən çox nümayəndə iştirak edir.

A. Rossbax qeyd edib ki, bu göstərici WUF13-ü forumun tarixində ən böyük tədbirə çevirir.

O bildirib ki, Bakıda aparılan müzakirələr BMT Baş katibinin “Gələcək Paktı” (Pact for the Future) çərçivəsində yerli və regional hökumətlərin rolunun gücləndirilməsi istiqamətində görülən işlərə töhfə verir.

UN-Habitat rəhbərinin sözlərinə görə, BMT Baş katibinin hazırladığı hesabatda yerli və regional hakimiyyət orqanlarının qlobal gündəliklərin lokallaşdırılmasındakı rolu xüsusi vurğulanıb.

Rossbax əlavə edib ki, UN-Habitat, Local2030 Koalisiyası və digər beynəlxalq platformalar vasitəsilə BMT qurumları, yerli hökumətlər, özəl sektor və vətəndaş cəmiyyəti arasında əməkdaşlıq gücləndirilir.

Oxşar xəbərlər

EBRD: Şəhərlər mənzil tələbatını qarşılamaq üçün investisiya risklərini azaltmalıdır

Anaklaudia Rossbax: Azərbaycan WUF13-ün keçirilməsi üçün ciddi işlər görüb

BMT Assambleyasının Prezidenti: Azərbaycan WUF13 kimi mühüm qlobal tədbirə uğurla ev sahibliyi edir

Anaklaudia Rossbax: Azərbaycan WUF13-ün keçirilməsi üçün müstəsna işlər görüb

BMT-nin Məskunlaşma Proqramının icraçı direktoru Prezident İlham Əliyevlə görüşündən paylaşım edib