Ukrayna Təhlükəsizlik Xidməti (UTX) Macarıstan hərbi kəşfiyyatına casusluq etməkdə şübhəli bilinən iki nəfəri saxlayıb.

Bu barədə “Sizinxeber.az” “Reuters” agentliyinə istinadən xəbər verir.

UTX-nin yaydığı bəyanatda Ukraynanın müdafiəsi ilə bağlı kəşfiyyat məlumatları əldə etmək üçün Macarıstan dövlətinin nəzarəti altında fəaliyyət göstərən casus şəbəkəsinin ifşa edildiyi bildirilir.

Xidmətin məlumatına görə, saxlanılanlar Ukrayna Silahlı Qüvvələrinin keçmiş hərbçiləridir. Onlar Macarıstan hərbi kəşfiyyatının nümayəndəsi tərəfindən ələ alınıb və gizli əlaqə üçün pul və xüsusi avadanlıq alıblar. Agentlərə Ukraynanın hava hücumundan müdafiə sistemi haqqında ətraflı məlumatı öz kuratoruna ötürmək tapşırılıb.

UTX-dən qeyd edilib ki, bu, ölkə tarixində Macarıstanın casus şəbəkəsinin Kiyevin maraqlarına zidd hərəkətlərə görə ifşa olunduğu ilk haldır.

Oxşar xəbərlər

Macarıstan yeni hava hücumundan müdafiə sistemlərini quraşdırıb

Ukrayna və Macarıstan Kiyevin Aİ-yə üzvlüyü ilə bağlı əngəllərin aradan qaldırılması üçün məsləhətləşmələr aparacaq