ABŞ Prezidenti Donald Tramp çərşənbə günü Ağ Evdə Pentaqon və Amerikanın əsas müdafiə şirkətlərinin rəhbərliyini raket və digər sursat istehsalını sürətləndirmək məsələsini müzakirə etmək üçün çağırıb.

"Report" xəbər verir ki, bu barədə "The Wall Street Journal" mənbələrə istinadən məlumat yayıb.

Nəşrin məlumatına görə, Tramp müdafiə sənayesini İranla münaqişə səbəbindən Amerikanın tükənmiş silah ehtiyatlarını daha tez doldurmağa çağırmaq niyyətindədir.

Görüşdə müdafiə nazirinin müavini Stiven Faynberq, eləcə də "Lockheed Martin", RTX, "Boeing", "L3Harris", "Northrop Grumman" və "Honeywell Aerospace" şirkətlərinin nümayəndələri iştirak edəcəklər.

WSJ qeyd edib ki, Pentaqon əvvəllər istehsalçılarla "Patriot" və "Tomahawk" raketlərinin istehsalını artırmaq üçün ilkin razılaşmalar əldə edib, lakin bu proqramlar üçün tam maliyyələşdirmə hələ Konqres tərəfindən təsdiqlənməyib.

Nəşrin məlumatına görə, hərbi qurum 2027-ci maliyyə ili üçün büdcə layihəsində "Patriot", "Standard Missile" və THAAD raketləri də daxil olmaqla 12 növ vacib sursatın istehsalını genişləndirmək üçün 52,9 milyard dollar istəyib.

Oxşar xəbərlər

WSJ: Pentaqon PUA buraxılışını artırmaq üçün dron istehsalçıları ilə müqavilələr imzalaya bilər

KİV: Pentaqon Kiyevə "Patriot" və "Stinger" raketlərinin tədarükünü dayandırıb

Pentaqon "Patriot" batalyonlarının sayını artırmağı planlaşdırır

ABŞ silah-sursat istehsalını genişləndirmək üçün 5,3 milyard dollar xərcləyib

Pentaqon “HIMARS” istehsalı üçün “Lockheed Martin”lə müqavilə imzalayıb