Azərbaycan Cənubi Qafqazın ən güclü dövləti olmaqla yanaşı, regiondan kənarda da təsir imkanlarını genişləndirərək, beynəlxalq münasibətlər sistemində “orta güc” kimi mövqeyini möhkəmləndirib.

APA xəbər verir ki, bunu Strateji və Beynəlxalq Araşdırmalar Mərkəzinin direktoru Eldar Namazov "Azərbaycan orta güc kimi: xarici siyasət, regional təsir və qlobal iştirak" mövzusunda keçirilən konfransda deyib.

O bildirib ki, hərbi sahədə süni intellektin tətbiqinin genişlənməsi ciddi strateji əhəmiyyət daşıyan tendensiyadır.

“Dünya sürətlə dəyişir və beynəlxalq münasibətlər sistemində yeni meyarlar ön plana çıxır. Azərbaycan da bu qlobal proseslərdə fəal iştirak etməli, bu sahədə öz mövqeyini və aparıcı rolunu daha da gücləndirməlidir", – Eldar Namazov vurğulayıb.

Eldar Namazov qeyd edib ki, beynəlxalq münasibətlərdə təkcə böyük dövlətlər deyil, regional və qlobal proseslərə ciddi təsir göstərə bilən ölkələr də mühüm rol oynayır.

“Orta güc statusu müəyyənləşdirilərkən ölkənin ərazisi, əhalisi, iqtisadi imkanları, hərbi potensialı, diplomatik fəallığı və beynəlxalq təsir imkanları əsas meyarlar kimi nəzərə alınır. Böyük əraziyə və ya çoxsaylı əhaliyə malik olmaq hər zaman yüksək təsir gücü demək deyil", – o əlavə edib.

Oxşar xəbərlər

Bakıda 11-ci Azərbaycan Beynəlxalq Sığorta Forumu keçirilir - FOTO

Fərid Şəfiyev: Azərbaycanın iqtisadi potensialı artıq regiondan kənarda da özünü göstərir

Deputat: Azərbaycan beynəlxalq münasibətlər sistemində etibarlı tərəfdaş kimi qəbul edilir

Deputat: Rəsmi Bakı inkişaf etməkdə olan ölkələrin hüquq və mənafelərini qoruyur

Eldar Əzizov Kocaeli Böyük Şəhər Bələdiyyə Başkanı ilə görüşüb