Hindistanın şimalındakı Lakhnau şəhərində yerləşən tədris mərkəzində baş verən güclü yanğın nəticəsində 15 nəfər həlak olub.

"Sizinxeber.az" Hindistan mediasına istinadən xəbər verir ki, yerli xəstəxanada bu məlumatı təsdiqləyiblər.

Mövcud məlumatlara görə, kommersiya obyektinin daxilində baş verən yanğın sürətlə yayılıb və bir saatdan çox davam edib.

Hadisənin şahidləri qeyd ediblər ki, bir neçə nəfər özünü binanın pəncərələrindən aşağı atıb, bir qismi isə yanğın başlayandan sonra binada köməksiz vəziyyətdə qalıb.

Hadisə yerinə polis və yanğından mühafizə xidmətinin əməkdaşları gəliblər, həmçinin ölkənin Baş naziri Narendra Modi və digər rəsmilər də yanğın yerinə baş çəkiblər.

Yanğın lokallaşdırılıb, hazırda onun söndürülməsi istiqamətində işlər davam etdirilir.

Oxşar xəbərlər

Delhidə restoranda baş verən yanğın nəticəsində 10 nəfər ölüb

Hindistanda hoteldə yanğın olub, 14 nəfər ölüb

Hindistanda xəstəxanada yanğın baş verib, ölənlər var

Çində kimya zavodunda baş verən yanğın nəticəsində üç nəfər ölüb

İranda neftayırma zavodunda yanğın olub, ölən və yaralananlar var