Gürcüstan, Azərbaycan və Türkiyə xarici işlər nazirlərinin üçtərəfli görüşü regional əməkdaşlığın vacibliyini bir daha vurğulayır.

APA-nın yerli bürosu xəbər verir ki, bunu Gürcüstan parlamentinin sədri Şalva Papuaşvili brifinqdə deyib.

O, üç ölkə arasında həm icra, həm də qanunvericilik orqanları səviyyəsində əməkdaşlıq formatlarının vacib olduğunu qeyd edib.

"Bu əməkdaşlıq formatları ölkələrin siyasətlərinin yaxınlaşması, region qarşısında duran çağırışlarla bağlı ümumi razılığın əldə olunmasına töhfə verir. Bu həm də dövlətlərimizin maraqlarının irəlilədilməsi üçün ölkələrimiz arasında iqtisadi əməkdaşlığa da aiddir", - Papuaşvili əlavə edib.

Qeyd edək ki, bu gün İstanbulda Azərbaycan, Türkiyə və Gürcüstan XİN başçılarının X üçtərəfli görüşü keçiriləcək.

Oxşar xəbərlər

Azərbaycan, Türkiyə və Gürcüstan parlamentlərinin Xarici əlaqələr komitələrinin Tbilisidə iclası keçiriləcək

Azərbaycan, Türkiyə və Gürcüstan XİN başçılarının üçtərəfli görüşü keçiriləcək

ABŞ-nin “xarici agentlər”lə bağlı qanunu Gürcüstan parlamentində müzakirəyə çıxarılacaq

Azərbacan-Türkiyə-Gürcüstan üçtərəfli parlament formatı yaradılacaq

Gürcüstanda FARA qanunu müzakirəyə çıxarılır