Bu ilin aprel ayında Avropada TTF (Niderlandın "Title Transfer Facility"i Avropanın ən likvid virtual satış mərkəzi) indeksi üzrə təbii qazın orta nağd bazar (spot – red.) qiyməti 1 mln. BTU-ya görə (British thermal unit – Britaniya istilik vahidi) 15,57 ABŞ dolları səviyyəsində olub.

Bu barədə “Sizinxeber.az-Economics” Qaz İxrac edən Ölkələr Forumunun (Gas Exporting Countries Forum - GECF) hesabatına istinadən xəbər verir.

Belə ki, apreldə TTF satış mərkəzi üzrə qazın orta qiyməti aylıq müqayisədə 13% azalıb, illik müqayisədə isə 35% artıb.

Hesabatda bildirilir ki, aprel ayında NBP qaz satış qovşağında (Böyük Britaniyanın əsas virtual qaz ticarət məntəqəsidir və Avropada təbii qazın spot bazarı üzrə ən nüfuzlu mərkəzlərdən biri hesab olunur – red.) qazın orta spot qiyməti 15,15 dollar təşkil edib, bu da aylıq müqayisədə 14% azalma, illik müqayisədə isə 35% artım deməkdir.

Xatırladaq ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.

Oxşar xəbərlər

Avropada iyun ayında təbii qazın qiyməti artıb, ABŞ-da isə azalıb

Avropa və ABŞ-da bu il təbii qaz kəskin bahalaşıb

Avropada yanvarda təbii qaz 6%-ə yaxın bahalaşıb

Avropada təbii qazın qiyməti azalıb

Avropada təbii qazın qiyməti 420 dolları ötüb