Azərbaycanın Pakistandakı səfiri Xəzər Fərhadov və Pəncab əyalətinin baş nazirinin müşaviri Əli Dar süni intellekt və rəqəmsal texnologiyalar sahəsində əməkdaşlığın inkişafını müzakirə ediblər.

"Sizinxeber.az" xəbər verir ki, bu barədə Pakistanın Süni İntellekt və Xüsusi Təşəbbüslər Ofisi "X" sosial şəbəkəsində məlumat yayıb.

"Xəzər Fərhadov Süni İntellekt və Xüsusi Təşəbbüslər Ofisini ziyarət edib və Pəncab əyalətinin baş nazirinin müşaviri Əli Dar ilə görüşüb. Süni intellekt və əsas sahələrdə, o cümlədən Pakistan və Azərbaycan arasında işgüzar və investisiya əlaqələrinin potensial mərkəzi kimi nəzərdən keçirilən "CBD Punjab" (Pəncab Mərkəzi İşgüzar Rayonu - red.) da daxil olmaqla əməkdaşlıq imkanları müzakirə olunub", - məlumatda bildirilib.

Xüsusi olaraq qeyd edilib ki, Lahor və Naxçıvan şəhərləri arasındakı qardaşlaşma münasibətləri iki ölkə arasında iqtisadi əməkdaşlığın dərinləşdirilməsi və təcrübə mübadiləsi üçün əsas kimi nəzərdən keçirilir.

Tərəflər, həmçinin 17-22 may tarixlərində Bakıda keçiriləcək Ümumdünya Şəhərsalma Forumunu (WUF13) müzakirə ediblər.

Oxşar xəbərlər

Elnur Əliyev: "Azərbaycan 2040-cı ilədək süni intellekt sektorunda 40 milyard dollarlıq əlavə dəyər yaratmağı hədəfləyir"

Əli Əsədov: Azərbaycan süni intellekt strategiyasını hazırlayır

Azərbaycan ABŞ şirkəti ilə süni intellekt infrastrukturu yaratmağı müzakirə edib

Azay Quliyev: Azərbaycanda süni intellekt haqqında xüsusi qanunun qəbuluna ehtiyac var

Azərbaycan və Pakistan rəsmiləri ticarət və mədəniyyət sahəsində əməkdaşlığı müzakirə ediblər