İşğaldan azad edilmiş ərazilərdə bərpa-quruculuq layihələrində yaxından iştirak edən ABB bu istiqamətdə daha bir addım atır. Bank Xankəndi şəhərində özünün yeni Çağrı Mərkəzini qurur.

Mərkəzin yaradılmasında məqsəd müştərilərlə fasiləsiz kommunikasiyanın təmin olunması, ABB-nin bəzi struktur bölmələrinin regionlara transferi, eləcə də Qarabağda sosial-iqtisadi inkişafın dəstəklənməsi, regionda məşğulluğun artırılmasıdır.

Çağrı Mərkəzində ilk mərhələdə 10 əməkdaş çalışacaq. Əməkdaşların işəqəbulu zamanı artıq Qarabağda daimi məskunlaşmış keçmiş məcburi köçkünlərə üstünlük veriləcək. ABB belə layihələr vasitəsilə regionda yerli kadrların inkişafını da dəstəkləməyi hədəfləyir. Çağrı Mərkəzi Xankəndi Biznes Mərkəzində fəaliyyət göstərəcək.

Qeyd edək ki, ABB Xankəndidə filial açmış ilk bank olub. Hazırda Bankın həm Xankəndidə, həm Şuşada filialları var.

ABB-nin Xankəndi şəhərindəki Çağrı Mərkəzində çalışmaq istəyən namizədlər mövcud vakansiyalara buradan müraciət edə bilərlər.

ABB-nin müasir, faydalı və universal məhsul və xidmətləri barədə ətraflı məlumatı Bankın filial və şöbələrindən, ABB-nin rəsmi internet səhifəsi, 937 nömrəli Məlumat Mərkəzindən, həmçinin Bankın rəsmi sosial şəbəkə səhifələrindən əldə etmək mümkündür.

Oxşar xəbərlər

İşğaldan azad olunmuş ərazilərdə Milli park yaradılır

COP29 Çağrı Mərkəzi fəaliyyətə başlayıb

Prezident İlham Əliyev “Xankəndi” Biznes Mərkəzinin açılışında iştirak edib

Xankəndidə Novruz bayramı qeyd olunur - FOTO

Xankəndidə İdarələrarası Mərkəzin Ekoloji məsələlər üzrə İşçi Qrupunun iclası keçirilir