İslam İnkişaf Bankı (IsDB) Qrupu Azərbaycanla dəyəri 430 milyon ABŞ dollarından çox olan iri layihə üzərində işləyir.

"Sizinxeber.az" xəbər verir ki, bunu Bakıda keçirilən Qrupun 2026-cı İllik Toplantısı çərçivəsində Qrupun Prezidenti Məhəmməd Əl-Casir bildirib.

"Münasibətlərimizin başlanmasından bəri Azərbaycanda ümumi dəyəri 1,3 milyard ABŞ dollarından çox olan layihələri maliyyələşdirmişik, Qarabağın işğaldan azad edilməsindən sonra bu əməkdaşlığı daha da inkişaf etdiririk. Mən bölgədə həyata keçirilən işlərlə yaxından tanış olmaq üçün Qarabağa iki dəfə səfər etmişəm və orada gedən inkişaf həqiqətən heyranedicidir. Qarabağda maliyyələşdirdiyimiz ilk layihə su və suvarma sistemi ilə bağlı olub. Hazırda sə dəyəri 430 milyon dollardan çox olan iri layihə üzərində işləyirik. Layihə su ehtiyatlarının daha səmərəli idarə olunmasına, köhnəlmiş və zədələnmiş kanalların bərpasına, eləcə də sızmalar nəticəsində yaranan itkilərin qarşısının alınmasına xidmət edir", - deyə o qeyd edib.

Bundan başqa, Əl-Casir deyib ki, magistral və avtomobil yolları, hətta dəmir yolu infrastrukturu da daxil olmaqla digər istiqamətlər üzrə layihələr nəzərdən keçirilir: "Hazırda hökumətin qiymətləndirdiyi və yaxın gələcəkdə həyata keçirilməsi planlaşdırılan transformativ layihələrə xüsusi diqqət ayırırıq. Azərbaycan Prezidenti, hökuməti və xalqının tərəfdaşı olmaqdan qürur duyuruq. Hesab edirik ki, bu layihələrin reallaşdırılması prosesində ölkəyə əlavə dəyər qazandırmağa davam edə bilərik".

Oxşar xəbərlər

Məhəmməd Süleyman Əl-Casir: İslam İnkişaf Bankı Qrupunun Azərbaycanla əməkdaşlığı genişlənib

IsDB Azərbaycanla 430 mln. dollardan çox böyük layihə üzərində çalışır

IsDB qrupunun Bakıdakı keçiriləcək illik toplantılarına hazırlıq müzakirə edilib

İslam İnkişaf Bankının prezidenti Azərbaycana səfər edəcək

Məhəmməd Əl-Casir: "IDB Qarabağda ilk layihə üçün 97 milyon ABŞ dolları kredit ayırır"