"Azərbaycan Banklar Assosiasiyası" (ABA) İctimai Birliyinin icraçı direktoru Yunus Abdulov İslam İnkişaf Bankına (IsDB) üzv ölkələrdə fəaliyyət göstərən Milli İnkişafın Maliyyələşdirilməsi Qurumları Assosiasiyasının (ADFIMI) baş katibi İlhami Öztürk ilə görüşüb.

"Report" bu barədə ABA-ya istinadən verir.

Məlumata görə, görüşdə Y.Abdulov Azərbaycan bank sektorunun hazırkı vəziyyəti, son illərdə əldə olunan nailiyyətlər, rəqəmsal transformasiya istiqamətində həyata keçirilən təşəbbüslər və maliyyə sektorunda aparılan islahatlar barədə məlumat verib.

Eyni zamanda, ABA-nın nəzdində yaradılmış İslami Bankçılıq Şurasının fəaliyyəti, əsas məqsədləri və ölkədə islami maliyyə alətlərinin inkişafı istiqamətində görülən işlər diqqətə çatdırılıb.

Tərəflər bank sektorunda mövcud tendensiyalar, islami maliyyənin inkişaf perspektivləri, beynəlxalq əməkdaşlıq imkanları ətrafında fikir mübadiləsi aparıblar.

Görüşün sonunda gələcək əməkdaşlıq imkanlarının araşdırılması və qarşılıqlı əlaqələrin inkişaf etdirilməsinin əhəmiyyəti vurğulanıb.

Oxşar xəbərlər

Azərbaycan Türkiyə Banklar Birliyinin İllik Toplantısında iştirak edib

Azərbaycan və Yaponiya bankçılıq sektorunda əməkdaşlığı genişləndirilməsini müzakirə edib

Azərbaycan və Çin bank sektorunda institusional əməkdaşlığı dərinləşdirə bilər

"Bank of Baku"nun Müşahidə Şurasının sədri Elçin İsayev ABA-nı 35 illiyi münasibətilə təbrik edib

Azərbaycan və Macarıstan maliyyə sektorunda əməkdaşlığı müzakirə edib