Venesuela Prezidenti Nikolas Maduro bazar günü Karakasda parlament və regional seçkilərdə respublikanın birinci xanımı Siliya Flores ilə birlikdə səs verib.

"Report" xəbər verir ki, bu barədə Venesuela lideri "Venezolana de Televisión" telekanalının efirində bildirib.

"Kim seçilirsə seçilsin, hansı partiyadan olursa olsun, ona birgə işləmək üçün əl uzadıram", – deyə N. Maduro bildirib. O vurğulayıb ki, "xalq səs verəndə, o, sülh üçün səs verir" və qeyd edib ki, seçki günü hadisəsiz keçir, çünki "terrorçuların hazırladığı zorakılığın qarşısını almaq mümkün olub".

"Biz seçki mərkəzlərini partlatmaq niyyətində olan qəddar faşistləri yenidən məğlub etdik və seçki məntəqələrinin mühafizəsini gücləndirməli olduq", – prezident söyləyib. Maduro əlavə edib ki, 54 ölkədən 70 beynəlxalq müşahidəçi seçki prosesində iştirak edir.

Oxşar xəbərlər

Maduro üçüncü dəfə Venesuelanın Prezidenti olub

Maduro: Venesuela ABŞ-nin qlobal ticarət müharibəsinin çətinliklərini dəf edəcək

Maduro müxalifəti USAID-in pullarını mənimsəməkdə günahlandırıb