Müxalifət rəhbərliyinin ABŞ Beynəlxalq İnkişaf Agentliyindən (USAID) aldığı 5 milyard dollar oğurlanıb və ölkədə vəziyyəti qarışdırmaq üçün istifadə edilib.

“Report” xəbər verir ki, bunu Venesuela Prezidenti Nikolas Maduro “Venezolana de Television” telekanalına müsahibəsində bildirib.

“USAID qalmaqalının göstərdiyi kimi, Venesuelaya qarşı sövdələşmələrə son qoyulmalıdır”, – Maduro deyib. O qeyd edib ki, “Xuan Quaydo Amerika agentliyindən 5 milyard dollardan çox vəsait alıb, bu pullar oğurlanıb” və Venesuelada vəziyyəti qarışdırmaq üçün istifadə edilib.

Prezident vurğulayıb ki, “Quaydonu respublikanın prezidenti hesab edən müxalifətçilərin ailələri maddi dəstəkdən məhrum edilib”. O həmçinin söyləyib ki, venesuelalı “analar, həkimlər, müəllimlər bir dollar belə almayıblar”.

Maduro iddia edib ki, Venesuela hökuməti müxalifətin USAID tərəfindən verilən vəsaitləri mənimsəməsi faktları barədə dəfələrlə məlumat verib və “indi bu faktlar təsdiqlənib”.

Oxşar xəbərlər

Venesuela USAID-i hökumətin devrilməsini maliyyələşdirməkdə ittiham edib

Maduro: Sülh naminə yürüş və nümayişlər Venesuelanın qələbəsidir

Maduro: Venesuelada iğtişaşların 2 mindən çox iştirakçısı saxlanılıb

Maduro: Venesuela müstəmləkə talanına görə İspaniyadan təzminat tələb edəcək

Venesuelanın Baş Prokuroru: Müxalifət çevriliş cəhdi hazırlamaq üçün USAID-in vəsaitindən istifadə edib