Azərbaycanın futzal millisi 2028-ci ildə keçiriləcək dünya çempionatının Avropa zonası üzrə əsas mərhələsi üçün düzgün hazırlıq keçməli və rəqiblərə qarşı həvəslə oynamalıdır.

"Report" xəbər verir ki, bu barədə komandanın baş məşqçisi Yevgeni Kukseviç Azərbaycan Futzal Federasiyasının mətbuat xidmətinə açıqlamasında bildirib.

O, yaxşı kollektivlərlə bir qrupda yer aldıqlarını söyləyib:

"Nəticə qazanmaq mümkündür. Bizim yaxşı komandamız var. Sadəcə düzgün hazırlıq keçməli, rəqiblərə qarşı həvəslə oynamalıyıq. Ümumiyyətlə pley-off oyunlarına vəsiqə qazanmaq üçün cəsarətli və əzmkar olmaq lazımdır".

Mütəxəssis Çexiya seçməsinin ənənəvi olaraq hər zaman yaxşı səviyyədə olduğunu sözlərinə əlavə edib:

"Onlar daim yüksək yerlər və böyük turnirlərə qatılmaq üçün mübarizə aparırlar. Latviya yığması da son illərdə inkişafdadır. Avropa çempionatının final mərhələsində iştirak ediblər, hətta əsas rəqiblərdən birini də məğlub etmişdilər. Bu onu göstərir ki, bizi iki güclü və mübariz komanda ilə oyunlar gözləyir".

Xatırladaq ki, Azərbaycan millisi 12-ci qrupda Çexiya və Latviya ilə üz-üzə gələcək. Ev-səfər prinsipi ilə keçiriləcək matçların nəticəsinə uyğun olaraq, qrup mərhələsini ilk iki pillədə başa vuracaq komandalar mübarizəni davam etdirəcək.

Oxşar xəbərlər

Azərbaycanın futzal millisinin dünya çempionatındakı rəqibləri bəlli olub

Yevgeni Kukseviç: "Apreldəki oyunlar üçün yekun heyəti müəyyənləşdirməliyik"

Yevgeni Kukseviç: "Gürcüstanla yoldaşlıq oyununun xeyrini gələcəkdə görəcəyik"

Futzal üzrə Azərbaycan millisinin dünya çempionatının əsas mərhələsində yer aldığı səbət bəlli olub

Yevgeni Kukseviç: "Gürcüstan və Qazaxıstan güclü rəqiblərdir, bu oyunlar inkişafımız üçün vacibdir"