Yaponiya Özünümüdafiə Qüvvələri və ABŞ Dəniz Piyadaları Korpusu ada ərazilərinin müdafiəsinin təkmilləşdirilməsinə yönəlmiş "Qətiyyətli əjdaha" (Resolute Dragon) birgə çöl təlimlərinə başlayıblar.

"Report" "Japan Today" nəşrinə istinadən xəbər verir ki, təlimlər Yaponiyanın cənub-qərbindəki Kyuşu adasında və Okinava prefekturasında keçirilir və iyunun 30-dək davam edəcək.

Yaponiya Özünümüdafiə Qüvvələrinin Qərb Ordusunun komandanı general-leytenant Seydzi Toriumi təlimlərin açılış mərasimində bildirib ki, müdafiə potensialının nümayiş etdirilməsi Hind-Sakit okean regionunda sülh və sabitlik üçün mühüm əhəmiyyət kəsb edir.

Məlumata görə, təlimlər Şərqi Çin dənizindəki Senkaku adaları ətrafında Yaponiya və Çin arasında ərazi mübahisələri fonunda keçirilir.

Təlimlərdə həmçinin "Type 10" tankları da iştirak edir.

Oxşar xəbərlər

Yaponiya və ABŞ 45 min hərbçinin iştirakı ilə təlimlərə başlayıb

Yaponiya Rusiya kəşfiyyat təyyarəsinə görə qırıcıları havaya qaldırıb

Yaponiya sahillərində güclü zəlzələdən sonra sunami baş verib

Yaponiya Rusiya ilə ərazi probleminin həllinə ümid edir

Yaponiya ABŞ-nin Avstraliyadakı hərbi təlimlərinə qoşulacaq