Gürcüstanın Azərbaycan, Türkiyə və Ermənistanla çox yaxşı münasibətləri var.

"Sizinxeber.az"un Gürcüstan bürosu xəbər verir ki, bunu adıçəkilən ölkənin Baş naziri İrakli Kobaxidze Tacikistana səfəri çərçivəsində jurnalistlərə açıqlamasında deyib.

Baş nazir qeyd edib ki, Gürcüstan yeddi ölkəni Qara dəniz vasitəsilə Qərb məkanına bağlayan mühüm tranzit mərkəzidir və bu potensialdan maksimum istifadə etmək vacibdir.

Baş nazir vurğulayıb ki, Mərkəzi Asiya ölkələri ilə münasibətlərdə müsbət dinamika müşahidə olunur və bu proseslər Gürcüstanın tranzit imkanlarının genişlənməsinə töhfə verəcək.

İrakli Kobaxidze bildirib ki, nəqliyyat əlaqələrinin və tranzit funksiyasının gücləndirilməsi məqsədilə iri həcmli investisiyalar həyata keçirilir. O, həmçinin Gürcüstanın Azərbaycan, Ermənistan və Türkiyə ilə çox yaxşı münasibətlərə malik olduğunu və Mərkəzi Asiya ölkələri ilə əlaqələrin də maksimum səviyyədə inkişaf etdirilməsinə xüsusi diqqət ayrıldığını qeyd edib.

Oxşar xəbərlər

İrakli Kobaxidze: Gürcüstan Azərbaycanla ticarəti genişləndirməyə hazırdır

İrakli Kobaxidze: Müxalifət intihar vəziyyətindədir

İrakli Kobaxidze: "Qara dəniz sualtı kabel layihəsi Gürcüstanı regionun bağlantı mərkəzinə çevirəcək"

Kobaxidze: Məqsədimiz regionda sülh və sabitliyi təşviq etməkdir

Kobaxidze Azərbaycanla əlaqələrin daha da dərinləşdirilməsinin vacibliyini vurğulayıb