Kriptovalyuta bazarında son sutkada əsas aktivlər üzrə müsbət dinamika müşahidə olunub.

"APA-Economics" xəbər verir ki, bazar kapitallaşması son 24 saatda 1,26% artaraq 2,18 trilyon dollara yüksəlib.

Lider kriptovalyuta olan “Bitcoini”n (BTC) qiyməti son sutkada 1,29% artaraq 63 454 dollara çatıb. Ethereum (ETH) isə 1,55% bahalaşaraq 1 723 dollardan ticarət olunub.

İlk onluqda yer alan aktivlərdən BNB 2,10%, Bitcoin Cash (BCH) 2,90%, Bittensor (TAO) 1,09% və CoinMarketCap 20 Index (CMC20) 1,84% bahalaşıb.

Qızılın qiymətinə indekslənmiş rəqəmsal aktivlərdən PAX Gold (PAXG) son sutkada 0,25%, Tether Gold (XAUt) isə 0,21% ucuzlaşıb.
Günün ən güclü nəticələrindən biri Zcash (ZEC) tərəfindən qeydə alınıb. Aktiv son 24 saatda 4,61% bahalaşıb. Monero (XMR) isə 3,51% dəyər itirib.

Qeyd edək ki, CoinMarketCap-in "Fear & Greed Index" göstəricisi 21 bənd səviyyəsində qalır ki, bu da bazarda hələ də qorxu əhval-ruhiyyəsinin üstün olduğunu göstərir.

Analitiklər bazardakı yüksəlişi son günlər risk aktivlərinə marağın artması, ABŞ-da faiz dərəcələri ilə bağlı gözləntilərin yumşalması və investorların əsas kriptovalyutalarda ucuzlaşmadan sonra yenidən alışlara üstünlük verməsi ilə əlaqələndirirlər.

Oxşar xəbərlər

"Bitcoin" ucuzlaşıb

Kriptobirjada son durum - "Bitcoin" ucuzlaşıb

“Bitcoin”in qiyməti 74 min dollara yaxınlaşıb

Kriptobirjada son durum - "Bitcoin" bahalaşıb

"Bitcoin"in qiyməti 65 min dollardan aşağı enib