Serbiya və Xorvatiya arasında açıq qalan məsələlərin siyasiləşdirilməsindən çəkinmək və institusional, eləcə də ikitərəfli mexanizmlər vasitəsilə konkret nəticələrə fokuslanmaq lazımdır.

"Sizinxeber.az"un Balkan bürosu xəbər verir ki, bunu Serbiyanın xarici işlər naziri Marko Curiç Subotitsa şəhərində Xorvatiyanın Avropa və xarici işlər naziri Qordan Qrliç Radman ilə görüşündə deyib.

Görüş çərçivəsində ikitərəfli münasibətlər, Qərbi Balkanlardakı vəziyyət, eləcə də qarşılıqlı maraq doğuran digər məsələlər müzakirə edilib.

Curiç vurğulayıb ki, qonşu Xorvatiya ilə münasibətlər, eləcə də bütün digər qonşularla əlaqələr Serbiya üçün böyük əhəmiyyət daşıyır. O bildirib ki, Serbiya bu münasibətlərin açıq və məzmunlu dialoq vasitəsilə daha da inkişaf etdirilməsində maraqlıdır.

Nazir qeyd edib ki, bəzi açıq qalan məsələlər ciddi və mürəkkəb xarakter daşıyır, lakin ortaq ehtiyac və maraqlar nəzərə alınmaqla konstruktiv yanaşma nümayiş etdirmək və hər iki tərəf üçün məqbul həll yolları tapmaq mümkündür.

Həmsöhbətlər açıq məsələlər üzrə milli koordinatorların yeni görüşünün keçirilməsinin vacibliyini də müzakirə ediblər. Curiç milli koordinatorların 2024-cü ilin oktyabr ayında keçirilmiş görüşünü mühüm və müsbət addım kimi qiymətləndirib.

Avropa inteqrasiyası məsələsinə toxunan Curiç bir daha bəyan edib ki, Avropa İttifaqına üzvlük Serbiyanın strateji seçimidir. O vurğulayıb ki, Qərbi Balkan ölkələrinin mümkün qədər tez Aİ-yə inteqrasiyası regionun, eləcə də bütövlükdə Avropanın rifahı və sabitliyi üçün güclü stimul ola bilər.

Oxşar xəbərlər

Marko Curiç: Mərkəzi Asiya ilə Avropa arasında əməkdaşlıq körpüsü ola bilərik

Serbiya XİN: İsraillə münasibətlər strateji tərəfdaşlıq səviyyəsinə yüksəldilib

Marko Curiç: Serbiya Avropada mövcud problemlərin həllinin bir hissəsidir

Çinlə Serbiya süni intellekt və energetika sahəsində əməkdaşlığı genişləndirmək niyyətindədir

Marko Curiç: Serbiya Avropa İttifaqına üzvlüyə sadiqdir