"Bizim Maqsud müəllim" tamaşası nümayiş etdirilib
Heydər Əliyev Sarayında "Bizim Maqsud müəllim" adlı tamaşanın nümayişi olub.
"Sizinxeber.az" xəbər verir ki, Xalq yazıçısı, dramaturq və ssenarist Maqsud İbrahimbəyovun (1935-2016) uşaqlıqdan sevilən qəhrəmanları bu dəfə yeni səhnə görünüşündə tamaşaçıların qarşısına çıxıb.
Səhnə əsəri kinodramaturqun ssenarisi əsasında lentə alınan "Uşaqlığın son gecəsi" (1968) və "Bizim Cəbiş müəllim" (1969) filmlərinin yeni versiyalarının yaradılması prosesi üzərində qurulub.
Tamaşada filmlərdən yaddaqalan epizodlar yenidən canlandırılıb. Həqiqi kinokameralar səhnədə baş verənləri lentə alır və görüntü real vaxt rejimində nəhəng ekrana ötürülür.
Rejissor çəkiliş prosesinə rəhbərlik edir, aktyorlar öz personajlarının motivasiyasını anlamağa çalışır və hamısı birlikdə bu qarışıqlıq içində müəllifin özünü – Maqsud İbrahimbəyovu tapmağa çalışırlar. Onlar ədibi qəhrəmanların xarakterlərində axtarır, onların həyat hekayələrini tamamlayır və talelərini daha dərindən açmağa imkan verən əlavə epizodlar yaradırlar. Tamaşaçılar Cəbiş müəllimin həyat yoldaşı ilə tanışlığının, Rüstəmin boks döyüşünün və Davudun düşdüyü dramatik cinayət hekayəsinin şahidi olurlar.
Rejissoru Konstantin Soldatov, ssenari müəllifi İsmayıl İman olan tamaşada tanınmış teatr və kino aktyorlarından ibarət geniş heyət yer alıb. Səhnə əsəri tamaşaçılar tərəfindən böyük maraq və alqışlarla qarşılanıb.
Oxşar xəbərlər
Xalq yazıçısı Maqsud İbrahimbəyovun 90 illiyi qeyd ediləcək - SƏRƏNCAM
Beynəlxalq Muğam Mərkəzində Maqsud İbrahimbəyova həsr olunmuş yaradıcılıq gecəsi keçirilib
Maqsud Məmmədov İkinci Fəxri xiyabanda dəfn olunacaq
Xalq artisti Maqsud Məmmədov İkinci Fəxri xiyabanda dəfn olunub
Xalq artisti Maqsud Məmmədov vəfat edib
Ən son xəbərləri bizim
"Facebook" səhifəmizdə izləyin
Digər xəbərlər
-
Bakıda ITFC ilə yeni 3 milyard dollarlıq sazişlər imzalanıb
-
Tural Əsgərov: "Elvin Cəfərquliyevlə maraqlanan klubların sayı çoxdur"
-
Sosial və İqtisadi məsələlər üzrə Üçtərəfli Komissiyanın iclası keçirilib
-
Nazir növbəti 5 ildə Azərbaycan–İİB əməkdaşlığının daha çox hansı sahələrə fokuslanacağından danışıb
-
Günay Cəlilova AmCham Azərbaycanın İdarə Heyətinin üzvü seçilib
-
XİN başçısı: Serbiya və Xorvatiya arasında açıq qalan məsələlərin siyasiləşdirilməsindən çəkinmək lazımdır
