Türkmənistan Prezidenti Sərdar Berdiməhəmmədov və Malayziyanın Baş naziri Ənvər İbrahim Aşqabadda danışıqlar aparıblar.

"Sizinxeber.az" xəbər verir ki, bu barədə "Orient.tm" portalı məlumat yayıb.

Bildirilib ki, tərəflər neft-qaz və digər sahələrdə əməkdaşlığın inkişafına yönəlmiş sənədlər zərfini imzalayıblar.

S.Berdiməhəmmədov bildirib ki, Malayziyanın "Petronas" şirkəti Türkmənistanda fəaliyyət göstərdiyi illər ərzində ölkənin neft-qaz sənayesinə təxminən 12 milyard dollar investisiya yatırıb. Onun sözlərinə görə, şirkətlə əməkdaşlıq Xəzər dənizinin Türkmənistan şelfində bir sıra iri layihələrin həyata keçirilməsinə şərait yaradıb.

Malayziya lideri öz növbəsində qeyd edib ki, Kuala-Lumpur Türkmənistanla əlaqələrin şaxələndirilməsini hədəfləyir:

"Gələcək iqtisadi əməkdaşlığın diqqət mərkəzində süni intellekt, elmi tədqiqatlar, rəqəmsallaşma və yarımkeçiricilərin istehsalı sahələrində yüksək texnologiyalı layihələr dayanır. Bu sahələrdə də Malayziya qabaqcıl təcrübələrə malikdir".

Oxşar xəbərlər

Sərdar Berdiməhəmmədov: Türkmənistan Azərbaycanla əməkdaşlığa sadiqdir

Gürcüstan Baş naziri və Türkmənistan Prezidenti Orta Dəhlizin inkişafını müzakirə ediblər

Türkmənistan Prezidenti Azərbaycanın Baş nazirini qəbul edib

Türkmənistan İrana qaz tədarükünü ildə 40 milyard kubmetrə qədər artırmaq niyyətindədir

Türkmənistan və Türkiyə İran üzərindən qaz tranziti ilə bağlı razılıq əldə edib