Türkiyə daim Azərbaycanın yanındadır.

“Report"un Ankara bürosu xəbər verir ki, bunu Azərbaycanın 8 Noyabr - Zəfər günü ilə əlaqədar Ankarada keçirilən tədbirdə Türkiyənin milli müdafiə naziri Yaşar Gülər bildirib.

Nazir “İki dövlət, tək millət” anlayışını xatırladaraq deyib ki, hər iki qardaş ölkə tarix boynca sevinc və kədərlərini birlikdə yaşayıb, çətin zamanlarda bir-birilərinə dəstək olub:

“Türkiyə və Azərbaycan arasında başda müdafiə və təhlükəsizlik olmaqla bütün sahələrdə iş birliyi və həmrəylik var. Türkiyənin gücü Azərbaycanın gücü, Azərbaycanın gücü də bizim gücümüzdür”.

Y.Gülər vurğulayıb ki, Türkiyə ilə Azərbaycan arasındakı inteqrasiya bölgədə sülh və sabitliyin davamı üçün güclü amildir.

Oxşar xəbərlər

Yaşar Gülər: Azərbaycanla Ermənistan arasında daimi sülh istiqamətində tarixi bir fürsət qapısı açılıb

Yaşar Gülər: Böyük zəfər Azərbaycan türklərinin illər ərzində məruz qaldığı haqsızlığa ən gözəl cavab oldu