Niderland hökuməti Ukrayna üçün ümumi məbləği 500 milyon avro olan pilotsuz uçuş aparatları (PUA) və hava hücumundan müdafiə (HHM) vasitələri almağı öhdəsinə götürüb.

"Sizinxeber.az" xəbər verir ki, bu barədə "Reuters" agentliyi məlumat yayıb.

Bu vəsaitin yarısı PURL proqramı vasitəsilə ayrılacaq.

Niderland özünün müdafiə şirkətlərindən 250 milyon avro məbləğində dronlar alacaq. Qalan 250 milyon avro isə Ukraynaya ABŞ istehsalı olan silahların tədarükü üzrə PURL təşəbbüsü çərçivəsində istifadə olunacaq.

Yeni öhdəliklə Niderlandın bu təşəbbüsə ümumi töhfəsi 1 milyard avroya çatır. Proqram çərçivəsində Kiyevə hava hücumundan müdafiə üçün avadanlıq və raketlər, həmçinin "F16" qırıcıları və digər sistemlər üçün döyüş sursatları tədarük edilir.

Oxşar xəbərlər

Niderland Ukraynaya 271 milyon avro ayıracaq

Niderland Ukraynaya 500 milyon avro dəyərində ABŞ silahları verəcək

Niderland Ukrayna üçün dronlara 700 milyon avro sərmayə qoya bilər

Litva Ukraynaya 5 milyon avro dəyərində PUA verib

Niderland Ukraynaya 42,6 milyon avroluq PUA verəcək