2025-ci ildə Azərbaycanda dövlət maliyyəsinin idarə olunması sahəsində mühüm müsbət nəticələr əldə edilib.

"Report" xəbər verir ki, bunu maliyyə naziri Sahil Babayev Milli Məclisin növbədənkənar sessiyasının bu gün keçirilən iclasında - "2025-ci il dövlət büdcəsinin icrası haqqında" qanununun layihəsinin müzakirəsi zamanı bildirib.

Onun sözlərinə görə, qeyri-neft-qaz sektoru üzrə daxilolmalar proqnozla müqayisədə 311 milyon manat çox icra olunmaqla, 20,4 milyard manat təşkil edib və büdcə gəlirlərinin 52 %-i olmaqla, 2024-cü ilin göstəricisini 756 milyon manat üstələyib: "Dövlət büdcəsində qeyri-neft vergilərinin payının 59 %-ə yüksəlməsi, əvvəlki illə müqayisədə isə 2,7 faiz bəndi artması büdcənin neft gəlirlərindən asılılığının azalmasının mühüm göstəricisidir. Ötən il vergi orqanlarının xətti ilə büdcəyə 16,4 milyard manat, gömrük orqanlarının xətti ilə isə 6,4 milyard manat vəsait təmin edilib. Vergi orqanlarının xətti ilə daxil olmuş vəsaitin 12 milyard manatı və ya 73,4 %-i qeyri-neft, 4,4 milyard manatı və yaxud 26,6 %-i neft sektorunun payına düşüb. Büdcə təşkilatlarının ödənişli xidmətlərindən daxilolmalar 680 milyon manat və ya 2024-cü illə müqayisədə 132 milyon manat çox olub".

S.Babayev qeyd edib ki, hesabat dövründə Dövlət Neft Fondundan dövlət büdcəsinə nəzərdə tutulduğu məbləğdə, yəni 14,5 milyard manat transfert edilib.

Oxşar xəbərlər

Azərbaycanda qeyri-neft-qaz sektoru üzrə büdcə daxilolmaları 2 %-dən çox artıb

Azərbaycanda qeyri-neft-qaz sektoru üzrə büdcə daxilolmaları 6 %-dən çox artıb

Maliyyə naziri: "Regionların büdcədən asılılığı daha da azalıb"

Azərbaycanda qeyri-neft-qaz sektorundan büdcə daxilolmaları proqnozu 9 %-ə yaxın üstələyib

Milli Məclis 2026-cı ilin dövlət büdcəsini təsdiqlədi