Qarabağ və Şərqi Zəngəzurda təxminən 2 milyard m³ su resursları mövcuddur. Bu su ehtiyatlarının əsas müsbət tərəfi odur ki, bunlar əsasən daxili mənbələr hesabına formalaşan su resurslarıdır.

APA xəbər verir ki, bunu Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov Zəngilanda “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nın müzakirəsinə həsr olunmuş regional müşavirədə deyib.

Xüsusi nümayəndə qeyd edib ki, Qarabağ və Şərqi Zəngəzur ümumi su balansımıza tam inteqrasiya olunur:

"Sözügedən ərazilərdə kənd təsərrüfatı potensialının reallaşdırılması üçün etibarlı su təminatının yaradılması bizim əsas prioritetlərimizdəndir. Bütün bu layihələr dövlət tərəfindən su və kənd təsərrüfatına göstərilən böyük diqqətin göstəricisidir".

Qeyd olunub ki, bu ərazilərdə müasir su təsərrüfatı infrastrukturunun qurulması və inkişafı istiqamətində kompleks tədbirlər həyata keçirilib və hazırda da bu işlər davam etdirilir.

Oxşar xəbərlər

Aqrar sahədə Dövlət Proqramı çərçivəsində Zəngilanda müşavirə keçirilir - FOTO

Emin Hüseynov: Ağdam, Füzuli və Xocavənd yaxın illərdə müasir aqrar mərkəzlərə çevriləcək

Mərkəz direktoru: Aqrar sahədə Dövlət Proqramı 5 prioritet, 16 fəaliyyət istiqamətindən ibarətdir

Aqrar sahədə yeni Dövlət Proqramının müzakirəsinə həsr olunmuş regional müşavirələrə start verilir

Nazir: Qarabağ və Şərqi Zəngəzurda iri bağçılıq, südçülük və heyvandarlıq aqroparkları yaradılması istiqamətində işlər aparılır