Azərbaycanın çimərlik güləşi millisinin baş məşqçisi Oyan Nəzəriani Vyetnamın Dananq şəhərində Beynəlxalq Olimpiya Komitəsi (IOC) və Dünya Güləş Birliyinin (UWW) əməkdaşlığı çərçivəsində "Level 2 Coaching Course və Beach Wrestling Coaching Course"da təlim keçib.

Bu barədə "Sizinxeber.az"a Azərbaycan Güləş Federasiyasından bildirilib.

Təlimləri bolqarıstanlı mütəxəssis Georgi Sredkov, həmçinin Beynəlxalq Olimpiya Komitəsinin (IOC) müşahidəçisi, UWW-nin məşqçilik təhsili üzrə mütəxəssisi və ali qurumun Çimərlik Güləşi Komitəsinin üzvü olan milli komandanın baş məşqçisi Oyan Nəzəriani keçib.

Altı gün davam edən kurs zamanı iştirakçılara güləş üzrə müasir məşqçilik metodları, nəzəri və praktiki təlimlər keçirilib. Proqram çərçivəsində UWW-nin tədris materialları və metodik vəsaitləri ətraflı şəkildə öyrənilib, məşq prosesinin təşkili və idmançıların hazırlığı ilə bağlı qabaqcıl yanaşmalar iştirakçılarla bölüşülüb. Kursun yekununda iştirakçılara müvafiq sertifikatlar təqdim olunub.

Qeyd edək ki, tədbir məşqçilərin peşəkar bilik və bacarıqlarının artırılması, beynəlxalq təcrübənin paylaşılması və güləş idman növünün inkişafına töhfə vermək məqsədi daşıyıb.

Oxşar xəbərlər

Azərbaycan yığmasının baş məşqçisi Dünya Güləş Birliyinin təlimatçısı seçilib

Azərbaycanın çimərlik güləşçiləri Vyetnamda Dünya Seriyasının ilk mərhələsinə qatılacaqlar

Oyan Nəzəriani: "Yeniyetmələrin Yay Olimpiya Oyunları bizim üçün çox əhəmiyyətli yarışdır" - MÜSAHİBƏ

Azərbaycanın badminton məşqçiləri Tbilisidə beynəlxalq kursa qatılıblar

Mingəçevirdə güləş məşqçiləri üçün seminar keçirilib