2026-2027-ci tədris ili üzrə Bakı şəhəri və ölkənin müxtəlif bölgələrində fəaliyyət göstərən bir sıra lisey və gimnaziyaların 7-ci sinfinə qəbul prosesi başlayır.

"Sizinxeber.az" xəbər verir ki, bu barədə Təhsil İnstitutu məlumat yayıb.

Qeyd olunub ki, şagird qəbulu mərkəzləşdirilmiş imtahan əsasında həyata keçiriləcək. İyunun 9-dan başlayacaq prosesə qeydiyyat iyunun 19-na kimi davam edəcək.

Qeydiyyatdan keçmək üçün valideynlər (və ya qanuni nümayəndələr) şəxsi kabinetlərində "Sorğu yerləşdir" bölməsinə daxil olaraq öncə "Mərkəzi imtahanla qəbul" düyməsini, sonra isə imtahan keçiriləcək mərkəzi və müvafiq məlumatları seçməlidirlər.

Qeyd edək ki, lisey və gimnaziyalara qəbul ildə bir dəfə – tədris ili başlamazdan əvvəl "Şagirdlərin elektron yerdəyişməsi" (sy.edu.az) sistemi vasitəsilə qeydiyyatdan keçmiş və imtahanda iştirak hüququ qazanmış şagirdlər üçün təşkil olunur.

İmtahanda şagirdlərə tədris dili və riyazi təfəkkürü ölçən müxtəlif tipli suallar təqdim edilir. Müvafiq bal toplayan şagirdlər seçim mərhələsinə buraxılır. Qəbul olunan şagirdlər üçün sistemdə avtomatik sorğular yaradılır və sənəd qəbulu prosesi aparılır. Lisey seçimi 2 mərhələdə, ehtiyac olduqda isə 3 mərhələdə həyata keçirilir.

Oxşar xəbərlər

Bir sıra lisey və gimnaziyalara qəbul prosesinə start verilir

Lisey və gimnaziyalara qəbul başlayır

Lisey və gimnaziyalara qəbul qaydalarında dəyişikliklərə aydınlıq gətirilib

Lisey və gimnaziyalara şagird qəbulu üzrə imtahan cədvəli açıqlanıb

Lisey və gimnaziyalara qəbulla bağlı qərarda dəyişiklik edilib