Polşanın milli müdafiə naziri Vladislav Kosiniak-Kamış NATO-nun Nüvə Paylaşımı proqramının mümkün genişləndirilməsi ilə bağlı məsələləri müzakirə etdiyini təsdiqləyib.

"Report"un məlumatına görə, nazir qeyd edib ki, nüvə silahından çəkindirmə mövzusu alyans ölkələrinin müdafiə nazirlərinin 18 iyunda Brüsseldə, NATO-nun mənzil-qərargahında keçiriləcək görüşünün gündəliyinə daxil ediləcək.

Lakin Polşa Müdafiə Nazirliyinin rəhbəri müzakirələrin təfərrüatlarını açıqlamaqdan imtina edərək, məsələni həssas adlandırıb və rəsmi açıqlamaların yalnız NATO səviyyəsində verilə biləcəyini vurğulayıb.

Daha əvvəl "Financial Times" mənbələrə istinadən ABŞ və bir sıra ittifaq müttəfiqlərinin Avropa ölkələrinin Nüvə Paylaşımı proqramında iştirakının genişləndirilməsi imkanlarını müzakirə etdiklərini bildirib. Nəşrin məlumatına görə, Vaşinqton müttəfiqləri üçün təhlükəsizlik zəmanətlərini gücləndirmək məqsədilə Avropadakı hərbi mövcudluğunu gücləndirmək variantlarını nəzərdən keçirir.

Oxşar xəbərlər

Baş nazir: Fransanın nüvə arsenalı və Avropa çətirini təmin etmək qabiliyyəti çox zəifdir

NATO-nun üzvü olan Avropa ölkələri müdafiə xərclərinin ÜDM-in 3 %-nə qədər artırılmasını müzakirə edirlər

NATO üzvləri Alyans ölkələrinin müdafiə sənayesini bərpa etmək planı barədə razılaşıb

Polşa müdafiə naziri: NATO ölkələri hərbi xərcləri tez artıra bilməyəcək

İstanbulda NATO-nun nüvə siyasətinin geosiyasi çağırışlara uyğunlaşdırılması müzakirə edilib