Estoniya rəqəmsal sektor daxilində xüsusi kibertəhlükəsizlik klasteri yaratmağa müvəffəq olub.

"Report" xəbər verir ki, bunu Estoniyanın İKT Assosiasiyasının icraçı direktoru Doris Pold Bakıda keçirilən IV Milli Kibertəhlükəsizlik Forumu çərçivəsində panel müzakirələrində bildirib.

Onun sözlərinə görə, burada xüsusilə bacarıqlı olan və ya xüsusi kibertəhlükəsizlik məhsulları olan şirkətləri bir araya gəlib: "Onlarla əməkdaşlıq birgə fəaliyyət üçün ən yaxşı imkanlardan biri olardı. Biz kibertəhlükəsizlik bacarıqlarının təşviqi, beynəlxalq layihələrin həyata keçirilməsi və digər iqtisadi sektorlar arasında kibertəhlükəsizlik bacarıqlarının təşviqi üzərində fokuslanırıq. Bunu tək başına edə bilməyəcəyimizi etiraf etmək çox vacibdir".

Qonaq əlavə edib ki, Estoniya üçün beynəlxalq tərəfdaşlıqlar xüsusilə vacibdir: "Ölkə olaraq rəqəmsalı və kiberi ayırmağı bacarmırıq. Məhz buna görə NATO Kooperativ Kibermüdafiə Mükəmməllik Mərkəzi Estoniyadadır. Bu, 2007-ci ildə geniş miqyaslı kiberhücuma məruz qalan ilk ölkə olduğumuz zaman başladı və heç bir pis hadisə baş vermədi. Bu zərurətdən kibertəhlükəsizlik bizim əsas elementlərimizdən birinə çevrildi və şirkətlərimiz bu ehtiyacdan böyüdü. Hazırda qlobal kibertəhlükəsizlik indeksində üçüncü yerdəyik, ona görə də yuxarı qalxmaq üçün hələ görüləcək işimiz var. Rəqəmsal texnologiya sektorunda təxminən 39 000 nəfər çalışır və illik dövriyyəmiz 12 milyard avrodur, bunun təxminən 60 %-i ixracdan gəlir".

Oxşar xəbərlər

Bakıda IV Milli Kibertəhlükəsizlik Forumu keçirilir

Bakıda IV Milli Kibertəhlükəsizlik Forumu keçiriləcək

Elvin Balacanov: "Bacarıqlı kibertəhlükəsizlik kadrlarının yetişdirilməsi ölkələr üçün ən mühüm investisiyadır"

İcraçı direktor: Milli Kibertəhlükəsizlik Forumunda 1500-dən çox iştirakçı qeydiyyatdan keçib

"Huawei Technologies": Kibertəhlükəsizlik kollektiv müdafiə tələb edir