Naxçıvan şəhərində ilk dəfə toxum sərgi-satış yarmarkası təşkil olunub.

"Report"un yerli bürosunun məlumatına görə, tədbirdə Naxçıvan Muxtar Respublikası Kənd Təsərrüfatı Nazirliyinin, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin, Aqrar İnnovasiya Mərkəzinin əməkdaşları, elmi-tədqiqat institutlarının, özəl toxumçuluq təsərrüfatlarının nümayəndələri və fermerlər iştirak edib.

Muxtar respublikanın kənd təsərrüfatı naziri vəzifəsini müvəqqəti icra edən nazir müavini Xəyalə Dadaşova, Naxçıvan şəhər icra hakimiyyəti başçısının müavini Əhməd Vəliyev, Aqrar Xidmətlər Agentliyinin sədri Sərdar Hacıyev ölkədə toxumçuluq sahəsinin mövcud vəziyyət və qarşıda duran hədəflər barədə məlumat veriblər.

Toxum sərgi-satış yarmarkasının keçirilməsinin bölgədə toxumçuluğun inkişafına, eyni zamanda, Naxçıvan Muxtar Respublikası Kənd Təsərrüfatı Nazirliyi ilə Aqrar Xidmətlər Agentliyi arasında qarşılıqlı əməkdaşlıq əlaqələrinin inkişafına töhfə verəcəyi bildirilib.

Yarmarkada Aqrar Xidmətlər Agentliyi tərəfindən göstərilən xidmətlər təqdim olunub, eləcə də özəl toxumçuluq təsərrüfatlarında istehsal olunan sertifikatlı toxumlar nümayiş etdirilib.

Fermerlərə agentliyin əməkdaşları tərəfindən təlimlər keçirilib.

Qeyd edək ki, sərgi-satış yarmarkasına ümumilikdə 200-ə yaxın fermer qatılıb. Yarmarka öz fəaliyyətini sabah Şərur rayonunda davam etdirəcək.

Oxşar xəbərlər

Naxçıvanda baramaçılığın inkişafına həsr olunan konfrans keçirilib [xfgiven_updateblue][/xfgiven_updateblue]

Aqrar Xidmətlər Agentliyinə yeni sədr müavini təyin edilib [xfgiven_updateblue][/xfgiven_updateblue]

Daşkəsəndə Aqrar Biznes Festivalı keçirilir [xfgiven_updateblue][/xfgiven_updateblue]

Masallı və Neftçalada növbəti toxum sərgi-satış yarmarkaları keçirilib [xfgiven_updateblue][/xfgiven_updateblue]

Goranboy və Tərtərdə toxum sərgi-satış yarmarkası təşkil olunub [xfgiven_updateblue][/xfgiven_updateblue]