İzmirdə meşəlik ərazidə yanğın başlayıb

Türkiyənin İzmir vilayətində meşəlik ərazidə yanğın başlayıb.

"Report" "Haberglobal"a istinadən xəbər verir ki, yanğın Urla rayonunda baş verib.

Bildirilib ki, güclü külək səbəbindən yanğın qısa müddət ərzində geniş ərazilərə yayılıb.

Hadisə yerinə çox sayda yanğınsöndürən maşın və canlı qüvvə cəlb olunub. Hazırda yanğının nəzarət altına alınması istiqamətində işlər görülür.