Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) kiberdələduzların "Azərpoçt" MMC-nin adından sui-istifadə etdiyini müəyyən edib.

"Report" xəbər verir ki, bu barədə ETX məlumat yayıb.

Bildirilir ki, dələduzlar vətəndaşlara SMS mesajlar göndərərək onları fərdi və maliyyə məlumatlarını ələ keçirmək məqsədi daşıyan saxta https://azerpost.389159.com.az veb-səhifəsinə yönləndirirlər.

Bununla əlaqədar ETX vətəndaşlara tanımadıqları mənbələrdən göndərilən SMS mesajlarındakı keçidlərə daxil olmamağı, bank kartı və digər fərdi məlumatlarını şübhəli linklər vasitəsilə paylaşmamağı tövsiyə edir.

Eyni zamanda, göndərilmiş bildirişlərin doğruluğunu rəsmi mənbələrdən – "Azərpoçt"un – "169" Çağrı mərkəzi və ETX-nin qaynar xətti – "1654", eləcə də hər iki qurumun rəsmi sosial media hesablarına müraciət edərək bildirməyi tövsiyə edir.

Oxşar xəbərlər

ETX: “Azərpoçt”un adından dələduzluq halları var

Mobil telefonunuza saxta SMS-lər gələ bilər - Elektron Təhlükəsizlik Xidmətindən XƏBƏRDARLIQ

Azərbaycanda vətəndaşlara qarşı yönəlmiş növbəti fişinq kampaniyası aşkarlanıb

Vətəndaşlara "Azərpoçt"un adından saxta mesajlar göndərilir

Xaricdən mal sifariş verənlərə XƏBƏRDARLIQ - VİDEO