Mara Kossu: İtaliya SDG-lərin lokallaşdırılmasının monitorinqi üzrə qlobal sistemin hazırlanmasında iştirak edir

Ümumi məlumat bazaları və müqayisəli statistika şəhər inkişafı problemlərinin həlli və iqlim siyasətinin həyata keçirilməsi üçün əsas alətə çevrilir.

"Report" xəbər verir ki, bu barədə İtaliyanın Ətraf Mühit və Enerji Təhlükəsizliyi Nazirliyinin nümayəndəsi Mara Kossu Bakıda WUF13 çərçivəsində keçirilən tədbirdə videomüraciətində bildirib.

Onun sözlərinə görə, hakimiyyət orqanları və beynəlxalq təşkilatlar məlumatlardan şəhərlər arasında reytinqlərin formalaşdırılması üçün deyil, birgə həll yollarının işlənib hazırlanması və təcrübə mübadiləsi üçün istifadə etməlidirlər.

"Məlumatlar ərazilər arasında rəqabət üçün deyil, birgə iş üçün lazımdır", - Mara Kossu deyib.

O, həmçinin qeyd edib ki, İtaliya OECD və UN-Habitat ilə birgə Davamlı İnkişaf Məqsədlərinin (SGM) lokallaşdırılmasının monitorinqi üzrə qlobal sistemin işlənib hazırlanmasında iştirak edir.