Xocavənddə təmir-bərpa işləri yekunlaşdıqca mərhələli şəkildə əhalinin köç prosesi həyata keçirilir.

Ağdam, Füzuli və Xocavənd rayonlarında Bərpa-tikinti, idarəetmə xidmətinin mətbuat katibi Təranə Quliyeva APA-nın Qarabağ bürosuna açıqlamasında bildirib ki, ümumilikdə Xocavənd şəhərində 1188 evin bərpası planlaşdırılıb. Artıq 728 ev üzrə işlər yekunlaşıb, 460 evin bərpası isə hazırda davam etdirilir. Bərpa və əsaslı təmir işləri tamamlandıqca sakinlərin köçü də mərhələli şəkildə həyata keçirilir.

Qeyd olunub ki, Xocavənd şəhərində bərpa işlərinə 2025-ci ilin oktyabr ayında başlanılıb. Xocavənd şəhərinə ilk köç 2026-cı il fevralın 20-də baş tutub. Həmin mərhələdə 50 ailə, 194 nəfər doğma yurduna qayıdıb.

Hazırda şəhərdə ümumilikdə 348 ailə, 1354 sakin məskunlaşıb. Onlardan 140 ailə çoxmənzilli binalarda, 208 ailə isə fərdi yaşayış evlərində yaşayır.

Sosial infrastrukturun bərpası çərçivəsində 640 şagird yerlik tam orta məktəb Elm və Təhsil Nazirliyi tərəfindən əsaslı şəkildə bərpa olunub və 21 apreldə fəaliyyətə başlayıb. Bundan əlavə, 240 yerlik uşaq bağçasının bərpası da planlaşdırılır. İlkin mərhələdə 40 yerlik bağçanın istifadəyə verilməsi nəzərdə tutulur.

Ümumilikdə, Xocavənddə aparılan bərpa işləri yekunlaşdıqca, əhalinin mərhələli şəkildə daimi məskunlaşması təmin olunur.

Oxşar xəbərlər

Ağdamda 2-ci yaşayış kompleksində müasir məhəllə formalaşdırılıb - FOTO

Növbəti köç karvanları Xocavənd şəhəri, Qırmızı Bazar qəsəbəsi və Xocavənd kəndinə çatıb - YENİLƏNİB - FOTO

Xocavəndin kəndlərində bu il 1552 evin təmir olunması planlaşdırılıb

İlin sonuna qədər Ağdamın üç kəndinə köç baş tutacaq

Bu il Xocavəndə ilk köç nəzərdə tutulur