Rusiya KTMT çərçivəsində Ermənistanla münasibətlərin dərinləşməsini istəyir

“Rusiya KTMT çərçivəsində Ermənistanla münasibətlərin dərinləşməsini və normallaşmasını istəyir, eləcə də istənilən formatda əməkdaşlığı alqışlayır”.

Sizinxeber.az-nın “Sputnik-Armenia”ya istinadən məlumatına görə, bunu Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik deyib.

O, Ermənistanın Avropa İttifaqına üzvlüyü imkanını da dəyərləndirib:

“Bu zaman Ermənistanın Avropa İttifaqına üzvlük perspektivinin nə dərəcədə real olması və bu prosesin həmin ölkənin maraqlarına uyğunluğu məsələsi nəzərə alınmalıdır. Rusiya olaraq hər zaman qeyd etmişik ki, biz Ermənistan da daxil olmaqla, hər hansı ölkənin daxili işlərinə qarışmaq niyyətində deyilik”.