Azərbaycanın çimərlik güləşçilərinin Gürcüstanda keçirilən Dünya Seriyasının III mərhələsindəki nəticələri sevindiricidir.

Bunu "Sizinxeber.az"a açıqlamasında yığmanın baş məşqçisi Oyan Nəzəriani deyib.

Mütəxəssis yarışın yaxşı təşkil olunduğunu bildirib:

"Turnir çox yüksək səviyyədə təşkil olunmuşdu. Texniki cəhətdən də çox keyfiyyətli idi. Yarışda Rusiya, Ukrayna, Gürcüstan və İranın həm sərbəst, həm də çimərlik güləşi üzrə titullu pəhləvanları yer almışdı. Gərgin keçən mübarizənin ardından 1 qızıl və 1 bürünc medal qazandıq. Bildiyiniz kimi, çimərlik güləşində 4 çəki dərəcəsi var. Bu da 4 dəst medal deməkdir. Qızılın biri ev sahibi Gürcüstana, biri bizə, ikisi isə İrana qismət oldu. Həyəcanlı, gərgin mübarizə şəraitində keçən görüşlərdən sonra bu nəticəni əldə etmək sevindirici haldır".

O.Nəzəriani planlardan da danışıb:

"Qarşıda bizi mötəbər yarışlar gözləyir. Avqustda Bakı çimərlik güləşi üzrə dünyanın diqqət mərkəzinə çevriləcək. Həm U-17 dünya çempionatına, həm də Dünya Seriyasının IV mərhələsinə ev sahibliyi edəcəyik. Hazırda tək hədəfimiz ölkəmizi bu tədbirlərdə ən yaxşı şəkildə təmsil etməkdir. İnşallah, inanırıq ki, bu yarışlarda da yaxşı nəticə əldə edəcəyik".

Qeyd edək ki, Batumi şəhərində keçirilən Dünya Seriyasının III mərhələsində Əşrəf Aşırov (90 kq) qızıl, Vüsal Əliyev (80 kq) isə bürünc medal qazanıb.

Oxşar xəbərlər

Azərbaycanın çimərlik güləşçiləri Vyetnamda Dünya Seriyasının ilk mərhələsinə qatılacaqlar

Oyan Nəzəriani: "Yeniyetmələrin Yay Olimpiya Oyunları bizim üçün çox əhəmiyyətli yarışdır" - MÜSAHİBƏ

Azərbaycanın çimərlik güləşçiləri Yunanıstanda iki medal qazanıblar

Azərbaycan millisinin baş məşqçisi: "Dünya Seriyasının yekununda yaxşı nəticə əldə etmək istəyirik"

Azərbaycan millisinin baş məşqçisi: Dünya Seriyasının final mərhələsində maksimum nəticə qazanmaq niyyətindəyik